نكت جامدة جداً

نكت جامدة
اثنين صعايده دخلوا كلية الطب
واحد طلع محاسب... والثاني محامي
********
أيه الفرق بين التلميذ الصعيدي الذكي والتلميذ الصعيدي الغبي؟
التلميذ الصعيدي الغبي بيكتب ورا المٌدرسه و يمسح اللي كتبو لما هي تمسح السبوره
والتلميذ الصعيدي الذكي مش بيكتب لأنه عارف ان المدرسه حتمسح اللي كتبته
********
مرة تنين صعايده أخوات اشترى كل واحد منهم عربيه مرسيدس و نفس الموديل
الاول بيقول للتاني طيب إزاي حاعرف أي وحدة عربيتي ؟؟
أحسن حاجه أنت تكسر المراية الشمال و أنا أكسر اليمين
التاني قاله طيب افرض جه حرامي و كسر مرايتي الشمال و كسر مرايتك اليمين، مش حانعرف عربيتي من عربيتك ساعتها
احسن حاجه انت تكسر المراية اليمين و القزاز اللي قدام و أنا أكسر المراية الشمال و القزاز اللي ورا
الأول قاله طيب احنا حنغلب نفسنا ليه، خلاص خد إنت العربيه البيضا و أنا أخذ السودا
***********
صعيدي جاله عقد عمل فى الكويت، يوم السفر قاعد فى المطار فالمذيع بيقول : "على ركاب رحله 770 المتوجهه الى الكويت التواجد بصالة الدخول"،
" النداء الاخير لركاب الرحله 770 المتوجهه الى الكويت التواجد بصاله الدخول"
فموظف المطار بيقوله "رحله الكويت هتطلع يا أستاذ" ، فرد عليه ويقوله : "ايوه دول طالعين رحله، انا طالع شغل
***********
صعيدي بيسأل واحد: تتوقع أيه اللي يحصل إذا دوران الأرض بقي أسرع ثلاثين مره عن الطبيعي!!؟؟
قال: ماعرفش !
قال الصعيدي: نأخذ الراتب كل يوم ياحمار
*********
حشاش اشترى لأمه عصفورين!!
واحد بيغرد والثاني ساكت..
سألته أمه ليه الثاني ساكت!
قالها: ده الملحن!!
**********
ولد صعيدي يسأل أبوه , أبا أيه برج ايفل ده
قال أبوه برج ايفل , ما خابرش
قال طيب يعني أيه الانترنت
قال الانترنت ما خابرش
قال طيب أيه ده الكمبيوتر
قال الكمبيوتر، ما خابرش
فقالت امه بس يا واد دوشت أبوك أسئله
قال ابوه , بس يا وليه، خلي الولد يتعلم
********
ليه الصعيدي بيقيس حرارة الميه بصباعين؟
لأنو رأيين أحسن من رأي واحد
مين اللى حرر المصريين؟
أكيد
أكيد
أكيد
اللى قفل المروحه
-----------------------------------
واحده بتسأل شيخ: هى عدة المطلقة إيه؟
قال لها N73
-----------------------------------
واحد بيعيط فى جنازة مراته
سألوه: بتحبها؟
قال: لأ ... بس سمعت إن البكا بيعذب الميت
---------------------------------
ثلاثة أندال بيتنافسوا مين أندل واحد فيهم
لقيوا ست عجوزة ماشيه على عكاز
- الأول: خد العكاز منها فوقعت
- الثانى: خد العكاز وضربها بيه
- الثالث: قعد يضحك سألوه: بتضحك ليه؟
قالهم: أصل الست اللى انتوا بتضربوها دى تبقى أمى
--------------------------------
صعيدى دخل الجيش
زميله بيسأله: إنت منين؟
قاله: أنا من دشنا، وانت كمان من دشنا؟
قاله: لأ
راح ضربه بالنار
وقال: تبقى من ديش العدو.
-------------------------------------
الشباب الفافى بيشتروا اللبن إزاى؟
عمو ... بليز ممكن عصير بقر.
------------------------------------
مساطيل عاملين ندوة ثقافية كبرى بعنوان:
" نجيب محفوظ ولا ما نجيبوش"
----------------------------------
عروسه رفيعه
ليلة فرحها لفوها بجرايد عشان تتخن
العريس دخل عليها كل ما يفتح جورنال يلاقى جورنال
اتصل بحماته وقالها: هى العروسه صفحة كام؟
----------------------------------
مثقف ركب الطياره فقال للمضيفه
This is no talking, I student one tea from clock.
بالمصرى: ده مش كلام أنا طالب واحد شاى من ساعه
---------------------------------------
عملوا مسابقه
"مين اللى يقدر يقعد سنه ياكل نفس الأكله"
الفرنساوى قال لهم هاتوا لى طن بطاطس
اليابانى قال لهم هاتوا لى طن رز
بلدياتنا قال لهم: هاتوا لى سيجاره
وبعد سنه
فتحوا الباب على الفرنساوى لقوه مات
فتحوا الباب على اليابانى لقوه مات
فتحوا الباب على بلدياتنا قال لهم هاه جبتوا الولاعه؟
--------------------------------------
لو عايز تروح القمر ومعاكش غير جنيه تعمل ايه؟
تعمل مصيبه توديك ورا الشمس
ومن هناك تاخد توكتوك بجنيه للقمر
-------------------------------------
مسطول عنده حسنة فوق عينه وقف قدام المرايا يقول ياربى عين دى ولا غين
-------------------------------------
واحد بيسال شيخ لو شوفت اسد وانت بتصلى تكمل ؟ قاله لو فضلت على وضوئى اكمل
واحد بلدياتي بعت لامه علبة كبريت
قالتله مش شغالة
قالها ازاي انا مجربهم واحد واحد
-------------------------------------
جماعة بلدياتي قاعدين ف خيمة وعاوزين يولعوا عشان يطبخوا
بعتوا واحد يجيب كبريت
خرج من باب الخيمة ودخل من الباب اللي ورا
قالهم عندكوا كبريت
قالولوا اقعد بعتنا نجيب
-------------------------------------
بلدياتي بيعاكس واحدة في التليفون
قالتله شكلك صعيدي
قالها ينعل ابو اظهار الرقم ديه
-------------------------------------
بلدياتي كشف نظر جاب 6 علي 6
قال لصاحبه كنت هاجيب اكتر
بس الدكتور وترني
-------------------------------------
بخيل حبتين
وعلي فراش الموت
بيقول لولادوا:
يا محمد قاله اناهنا يا بابا
يا مني انا هنا يا بابا
يا سعاد انا هنا يابابا
امكوا فين يا ولاد
اناهناياحاج
قالهم لما انتوا كلكوا هنا
سايبين نور الصالة والع ليه؟؟
-------------------------------------
بلدياتي بخيل راح يزور امه ف المستشفي
لقي الباب مكتوب عليه ادفع
قال ربنا يقومك بالسلامة يا حاجة
اجيلك لما ترجعي البيت ان شاء الله بالسلامة
واحد صعيدى حب يطور طيارة هليكوبتر
شال المروحة وركب تكييف
اتنين مساطيل ركبوا أتوبيس بدورين
اللى فوق سأل اللى تحت انتوا ماشين بسرعة كام؟
قالوا 80, وانتوا؟
قاله السواق لسه مجاش

واحد راح مستشفى المجانين لقي كل المجانين عماليين ينطوا ويقولوا إحنا فشار!
لقى واحد قاعد على جنب
قال بس هو ده العاقل اللى فيهم
قاله انت قاعد ليه كده؟
قاله
سيبنى دلوقتى
انا لازق فى الحلة

مسطول بيقول لصاحبه عايزين نطلع فنانين
انت فنان تشكيلى
وانا فنان اشكيلك

قطة سكرانة ماشية تقول
الله يخرب بيت الحشيش وسنينه هيا كانت ماو ولا ناو

واحد صعيدي روحه بتطلع الشيخ قاله
قول الشهادة بسرعة
قالوا (دبلوم صنايع)

مرة واحد راح مكة ووقف امام الكعبة وقال
يارب اغفر لى عن كل كلمة حكيتها عن الصعايدة وانى اتوب اليك توبة صادقة وفجأة جاله واحد صعيدى من وراه وسأله
هيا القبلة منين؟
قال شفت يارب هما اللى بينكوشونى

واحد اتصل بواحد صاحبه وقاله
انا عارف ان الوقت مش وقت رسالة بس الموضوع مهم وقلقنى ومش مخلينى عارف اركز ولولا ثقتى الكبيرة فيك مكنتش سألتك
هيا الطيارة فيها كلاكس؟

مساطيل بيكتبوا محاضرة ورا دكتور
كل مايمسح السبورة يقطعوا الصفحة

واحد بينسى الدكتور قاله روح حج يمكن تخف
راح حج وهو راجع بيفكر نفسه
حج وحجينا
طواف وطفنا
سعى وسعينا
عرفة ووقفنا
ناسى ايه تانى يابطرس؟؟؟
واحد كسب مليون جنيه راح لمراته يفرحها فماتت من شدة الفرحة قال :
سبحان الله الخير لما بيجى بيجى مرة واحدة
عروسه هابله اول مادخلت الفرح طلعت تجرى سألوها بتجرى ليه قالت علشان احجز كرسى
------------------
صعيدى سمع ان 100واحد ماتو فى الحج قال ربنايستر ومايكونش فيهم مسلمين
------------------
راجل قام من النوم علي صوت زعيق
سأل الجيران ايه اللي حصل
قالو له المياه مسمـّـمة ،
مراته صحيت وسألته: في ايه؟
قالها:مفيش حاجة .. إشربي ونامي
------------------
واحد مسطول اتصل بالشرطة وقالهم يعني لو احنا مسألناش انتوا ما تسألوش
------------------
فلاح جاله مسج حلو إنبسط وضحك
إتصل باللي بعتها وقاله: والنبي تبعتها تاني
-----------------
واحد فلاح شاف واحدة حلوه فى الاتوبيس عجبته ... لما نزل خد رقم الأتوبيس ...
------------------
فار سكران نام جنب قطه ميته ... لمافاق قال أنا عارف نفسي لما اسكر بفتري
------------------
بخيل حلم إنه بيوزع فلوسه علي الفقراء،
لما صحي قال أبقي عيل لو نمت تاني ...
------------------
إتنين مساطيل .. واحد سأل التانى
إنت أقرع ليه !!
قاله من الزمن ..
قاله بلاش تحلق عنده تانى
------------------
غبي راح يخطب واحدة ..
أبوها قاله : البنت لسه في المدرسة ...
قاله خلاص آجي بالليل ..
------------------
مسطول قاعد يمتحن جاله سؤال ضع (إنّ) في جمله ... كتب: اشتريت موبايل "إنّ سبعين"
------------------
موبايل بيقول لشريحته انتي طالق .. قالتلو يخرب بيتك .. ورصيدك أللي في بطني
-----------------
خروف بيقول لمعزة
باء.باء.باء.باء بحبك
فالمعزة قالتله
ماء.ماء.مخطوبه
-------------------
عريس مسطول على الآخر في يوم فرحه..
بعد المعازيم ما مشيو دخل البيت لقي العروس قاعده..
قال : والله أنا كنت عارف إنهم في الهيصة دي هينسوا حد !
-------------------
واحدة ماشية مع حبيبها بتقوله قولى كلمة تخلى قلبى يدق .. قالها أبوكى ماشى ورانا ...
-------------------
واحد قبل ما يموت جمع أولاده التلاتة وحب يوصيهم يفضلوا ايد واحدة .. قام اعطى لكبيرهم عود خشب كسره بسهولة ... اعطاه اثنين كسرهم بسهولة ... اعطاه خمسين عود كسرهم بسهولة ... قالهم طالما معاكم البغل ده مفيش خوف عليكم ..
-------------------
اتنين حرامية دخلو شقة واحد فلاح علشان يسرقوها .. واحد دخل حجرة النوم ولما حسّ ان الفلاح هيصحى راح داخل البلاكونة .. شوية والفلاح دخل البلاكونة لاقاه .. سأله انت بتعمل ايه هنا .. قاللو انا طيار مصري وكنت بحارب طيار إسرائيلي وانا راجع البنزين خلص منى فتحت البراشوت ونزلت على البلاكونة بتاعتك (قاللو هيا دي الرجالة مش التانى اللي قاعدلى فى البانيو وبيقوللى من الضفادع البشرية)
-------------------
مرة اتنين فلاحين فكرو يلعبوا شطرنج الملك ضرب نفسة بالنار ..
-------------------
اتصل مندوب التعداد في أحد البيوت هاتفيا وقال ألو : هل أنت من أهل البيت ؟ .... رد عليه الرجل : لا أنا من عامة المسلمين ...
-------------------
اثنين خرجو من الامتحان واحد بيقول للثانى : عملت ايه فى الامتحان قاله : اسكت! أنا سبت الورقه فاضيه .. قاله : الله يخرب بيتك ها يفتكرونا غاشين من بعض ..
-------------------
اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
-------------------
واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم
-------------------
تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!
-------------------
مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فصاح القهوجي وقال ... وعندك واحد بيرة في فنجان شاي وصلحووووووووووووو...
-------------------
بلدياتنا سافر امريكا واصحابه نصحوه ياخد معاه 3 بلاليص " مـِـشّ " علشان الاكل الامريكانى مش حلال بس نبهوه يسمِّى قبل ما ياكل عشان الشيطان مياكلش معاه.... اول شهر اكل البلاّص الأول بس نسى يسمى ، تانى شهر برضه نسى يسمى ، ثالث شهر طلع له الشيطان قال له:"ابوس ايدك سمِّى ، صدرى اتحرق!!!