ازاى تعطرى بيتك كلة

انا عارفة اد ايه كل واحدة فينا نفسها ان بيتها تبقى ريحته حلوة و مفحفحة كدة
صح و لا ايه؟؟؟؟
بصى يا ستى انا فيه افكار كتير جربتها
يااما الريحة ماتبقاش ثابتة او
مكلفة او فيها تفاصيل كتييييير
وكله ما كانش بيدينى النتيجة اللى كنت عايزاها
اغاية ما فكرت ووصلت للحـــــــــــــــــــــــــــــــــل ايوة الحل
اللى هو...
عارفين يا جماعة "جهاز ريد طارد الناموس"
ايوة اللى بيتحط فيه القرص وبعدين يتحط فى الفيشة مباشرة
دا يا ستى بعد ماتستخدميه عادى للناموس الليلة دى مثلا اصحى الصبح و فى نفس القرص المستخدم نقطى عليه نقطتين من اى زيت عطرى عندك
لا والفاجاة كمان ممكن ترشى عليه من البارفان بتاعك اللى بتحبيه
واستمتعى بالروائح اللى تجنن
الثابتة
الواضحة جدااااااااااا ولا كانك قاعدة فى وسط الورود

واليكى طريقة اخرى


رشى اللمبات بعد ماتطفيها بليل للنوم و هى بارده بالعطر اللى انت عايزاه
ولما تنوريها تانى يوم هتلاقى الريحة ملت المكان لانه هيتبخر بفعل الحرارة
بس لازم تترش بعد ما تبرد عشان متفرقعش


امانة كمان تيجى تقولى لى عملت ايه