بامية ويكا جامدة اخر ستين حاجة

طبعا اغلبنا بيعرف يعمل الباميا الويكا والطريقة اللى كلنا عارفينها طبعا هى انك بتقطعى الباميا حلقات وبتحطيها فى الشوربة ودى اسمها الباميا الويكا لكن طريقتى مختلفة شوية وهى يا ستى انك بتجيبى الباميا بعد ما بتنضفيها من فوق وتحت ولو عايزة تقطعيها حلقات برده انتى حرة ممكن متقطعيهاش خالص بعد ما بتعملى الفرخة وتسويها تاخدى الشوربة بتاعتها وتغليها وتحطى عليها شوية توم مدقوقين وبعدين تحطى الباميا عليها سواء كانت متقطعة او صحيحة وتسبيها لحد اما تستوى بعد ماتستوى لو كان عندك مفراك تقومى تفعصى بيه البامية لحد اما تتهرى معاكى ولو مكانش عندك مفراك ممكن بايد الهون تفعصيها وطبعا بتظبطى الشوربة حسب ماانتى عايزة ناس بتحبها خفيفة وناس بتحبها تقيلة براحتك بردهوفى الاخر تجيبى طاسة وتحطى فيها شوية سمنة ومعاها شوية توم مع ك***ة مطحونة وتسبيهم على النار لحد اما التوم يصفر وتكونى طافية على الباميا وتقومى حاطة عليها التوم والله بتطلع جميلة وكل اما حد يدوقها عندى يقولى ازاى