الكوسا بالبشاميل

المكونات:
- ربع كيلو لحمة مفرومة
- كيلو كوسا
- بشاميل
شوفتم إزاى شكة دبوس خلاص بلاش دلع بقى و نخش فى الجد
- تجهيز الكوسا:
- نكحت الكوسا بالطريقة المعتادة
- نقطعها بالطول شرائح سميكة نسبيا زى الصورة



- نجيب طاسة كبيرة ونملاها زيت ونحمر الكوسا زى ما بنحمر البطاطس




وننشلها أول ما لونها يكون دهبى (وبالطريقة دى أضمن عدم نزول سوايل من الكوسا عند الدخول للفرن) ودى صورة أول طاسة




- ودى صورة المقدار كله بياخد حوالى 3 طاسات شايفين الدقة



- تجهيز اللحمة المفرومة :
- نعصج اللحمة بالطريقة المعتادة (يعنى بصل مفروم خشن ولحمة مفرومة وبهارات وملح )بس أن دلعتها شويه حطيت فيها (جزر مبشور – مشروم – فلفل ألوان – 2 ملعقة صلصة-خس ) ودى صورتها وهى متدلعة بس دة نصف كيلو مش ربع



- هنا حنولع الفرن على أعلى درجة يعنى نحمى الفرن لمدة نصف ساعة لو الفرن كبير على ما نجهز البشاميل


تجهيز البشاميل:
- ماحبيتش أحمر الدقيق كفايه إنى حمرت الكوسا عملتها زى ما باعمل المهلبيه
- سخنت عدد 2 كوب شوربة ولو الشوربة مش دسمة ممكن نضيف ملعقتين زبدة
- وبعدين جبت كوب دقيق ودوبتها فى2 كوب لبن أو أقل على البارد وبعدين أصفيها
- ولما تبتدى الشوربه تخش فى الغليان نحط الدقيق باللبن المتصفيين
- ونقلب وممكن نضيف 3 جبنة كيرى ودى فكرة العضوة الجميلة رحاب صلاح الدين أو نضيف قشطة لو موجودة أو كريمة لبانى أنا ضفت 3جبنة مثلثات وجبنة شيدر مطبوخة ضربتهم فى الكبة وأضفتهم عالبشاميل وقلبت لغايه أما قوام البشاميل يتقل

نرص الصينية مع بعض :
الأول نحط طبقة بشاميل وبعدين طبقة كوسا بس نرش عليها شوية ملح على فلفل ودى صورتها



وبعدين نضيف اللحمة المفرومة المتدلعة



وبعدين نضيف طبقة كوسا نرش عليها ملح على فلفل



وبعدين طبقة بشاميل بس نرب عليها بيضتين قبل مابحطها






- حنحط الصينيه فى الفرن على الرف الوسطانى أو فى الرف العالى لو الفرن بتاعك حامى
- ودى شكل الصينية أما بتخرج بتاخد حوالى نصف ساعة


- أول ما بتخرج الصينية نغطيها على طول ودى خطوة مهمة جدا لإنها بتخلى الشكل والقوام أحلى
- ودى شكلها عند التقديم بعد أما إتغطت شوية وعلى فكرة الصينية دى صغيرة مش كبيرة زى ما باينة فى الصورة